बेगा आओ जी गजानन,
म्हारे द्वार,
मैं जोऊ थाकी बाटड़ली।।
सेवक ऊपर किरपा कर जो,
ओ गिरजा के लाल,
शिव शंकर का डमरू बाजे,
नाचो दे दे ताल,
बैठा बैठा मैं करू गुणगान,
मैं जोऊ थाकी बाटड़ली।।
सिर पर थाके मुकुट बिराजे,
गल पुष्पन की माल,
दरवाजा पर नौबत बाजे,
ध्वजा उड़े तत्काल,
थाकी आरती उतारू बारंबार,
मैं जोऊ थाकी बाटड़ली।।
लडुवन को मैं भोग लगावा,
मेवा भर भर थाल,
सब सेवक मिले ध्यान लगावे,
पल में करो निहाल,
थाकी भक्ति को मांगा वरदान,
मैं जोऊ थाकी बाटड़ली।।
रिद्ध सिद्ध दाता आप गजानंद,
भगता का प्रतिपाल,
सबका संकट दूर करो प्रभु,
आओ बेगा चाल,
स्वामी सबका करो जी कल्याण,
मैं जोऊ थाकी बाटड़ली।।
बेगा आओ जी गजानन,
म्हारे द्वार,
मैं जोऊ थाकी बाटड़ली।।
